洪永城（Tony)和爱妻梁诺妍（Inez）及大女洪靖岚（Amber）今日（3/3）齐齐现身荔枝角为品牌拍摄广告。Tony接受《香港01》访问时透露大女Amber个性活跃好动，经常埋身与他大玩摔角游戏，笑言被弄得遍体鳞伤：“基本上日日都系咁被佢打，佢会喺我身上喺咁跳呀，佢又会箍颈，又会踢我重要嘅地方，过程系好好玩。咁所以我相信将来佢嘅力度应该系几好，变咗将来都会培育佢去玩摔跤，又或者举重等项目。”
洪永城大女洪靖岚相当可爱。（吴子生摄）
问到是否有样学样跟妈咪对待你？Tony笑言：“真系唔可以讲出嚟㗎，身教嚟嘅，佢系旁边见到妈咪系咁 ，咁所以都冇办法，成屋嘅女人都咁对我，咁所以都唔好提。”Inez接著说：“最得意系家姐有咁样对住佢摔跤，阿妹喺旁边又唔执输，变咗佢又会唔执输，就即刻冲埋去Daddy度，又要玩埋一份，成个过程系好好笑。”
提到好友黄翠如即将生B，洪永城表示：“BB嘅性别我哋都唔知，变咗而家买BB嘢都唔知买男定系女，据我所知BB性别只有佢哋双方屋企人先知，身边嘅朋友系唔知，变咗我哋都好期待。另外我都有同阿萧（萧正楠）分享个人经验，我都有同佢讲头个几月唔好谂住有自己嘅人生，因为夜晚唔使谂会有得瞓觉，主要系太太呢段时间要休养身体，变咗主要系照顾小朋友，同埋所有屋企嘅事务，都落晒系个男人身上，叫佢有心理准备。”
洪永城大女洪靖岚相当可爱。（吴子生摄）
