李珊珊近日复出，积极经营自己网台“三坐山”，近日她邀请圈中好友陶大宇受访，二人因合作《灵异侦辑档案》结缘，大宇称珊珊为合作过之中“最烂玩女拍档”，又大爆当年二人去饮酒猜枚，结果搞到成床血，大宇直言：“你争啲搞到我死！”
李珊珊与陶大宇因合作《灵异侦辑档案》结缘，年轻时经常去夜蒲。（剧照）
陶大宇跟李珊珊玩得相当投契。
两人在访问中讲起饮酒，大宇说：“我真系考你一样嘢，你记唔记得喺某一年某一个gathering里面，你争啲搞到我死！唔系话‘你真系作死！’啲，系真系死啲！你直头见唔到我，消失喺呢个世界。”他透露当时满床是血，他以为是自己呕完，珊珊笑言：“系玩得疯狂咗少少嘅。”
大宇说自己差点俾李珊珊整死！（YouTube@三坐山 Mount Trio）
大宇忆述当时情况，他与珊珊去酒局，两人组队与其他人猜枚，“我哋呢边输多啲，但系我唔想你饮咁多，我就下下都帮你饮，系饮红酒，时系一杯！一输饮一杯！红酒点可以一杯杯咁饮？咁啲酒都几靓嘅，咁就唔好蚀底。”
大宇当时帮珊珊顶酒，一饮就一杯红酒清！（YouTube@三坐山 Mount Trio）
陶大宇坦言后生经常饮酒，不过撼穿头后不敢再饮。（微博图片）
他指自己当时饮饮吓就失去知觉、断了片，也不知自己是如何回家的，而一擘大眼眼前的景象相当骇人，家中惊现血路，如像拍戏场景一样。他说：“喺张床度，后尾枕点解咁湿嘅？原来全部血嚟㗎！我一起身好似凶案现场，差唔多去到你会跟住条血路走，门口又有血……”他沿著血路走，追溯到源头在厕所，并续说：“时我仲有酒气，我第一时间乜嘢都唔好谂，跌穿咗个头，第一时间去医院联针。条血路我自己怀疑，夜晚我去洗手间，断咗片，系撼穿咗自己唔知，跟住行返去睡房度瞓，条血路慢慢滴、慢慢滴，滴返去睡房，因为跌穿咗你又唔去止血，佢咪成晚流，死㗎！”自此之后，大宇坦言受了教训，这廿几年间就算饮酒，都会适可而止，以免再发生流血事件。
不过大宇之后亦试过再穿头，拍《灵异》剧时，他与珊珊一场被爆樽的戏，因特约演员用错位，将道具糖胶玻璃樽扑穿了大宇头部，马上溅血，珊珊见状都吓得魂飞魄散。完成直播后，两人争取重聚时间，大宇赞珊珊状态很好，珊珊又多谢大宇两脇插刀。大宇称：“已有十多年冇见，有睇最近报道，觉得珊珊好叻、好勇敢、生命力好强，希望佢可以一直保持良好心态去面对一切。”
陶大宇作客李珊珊的网台节目，成为第一位嘉宾，收看人数破纪录。
至于珊珊则称节目从未想过要请演艺界朋友做嘉宾,但近日灵感到便想起大宇，认为他是一个自己“安全区”的朋友，所以便鼓起勇气揾大宇撑场，结果节目出街后反应激烈，收看人数更大破纪录！珊珊翌日在社交平台出post多谢大宇，她说：“大宇系我安全区内嘅朋友，唔使担心任何嘢，今次有佢帮手，令我开咗一个好好嘅头，今次再同大宇倾偈，觉得好开心，佢性格更比以前豁达，以前嘅坚持变得而家识转念，佢嘅笑声真系令我好治愈！”
珊珊说大宇是自己“安全区”的朋友。
