影帝张家辉今日（6/2）现身黄埔出席《新城广播乙已年新春团拜》活动，吸引大批粉丝到场朝圣，场面非常墟冚。薛家燕在台上大赞张家辉愈来愈有型，在场观众大声起哄表示认同。家辉随即发挥幽默本色回应指：“我都系扮”，然后又大赞家燕姐冇皱纹，而且皮肤滑溜溜。氹得家燕姐开怀大笑：“我今朝去拉过皮嚟。”
张家辉即将推新歌做歌手。（陈顺祯摄）
家燕姐再续指虽然未曾同张家辉合作过，但就经常在无线碰面，而每次碰面都会说声加油。张家辉即鬼马回应说：“其实我而家都想收油，但每次见到马浚伟老总，见到佢成就显赫，我硬系好似接受唔到咁，因为会谂起以前同佢拍剧嘅时候，同佢系球场打波嘅画面。”家燕姐接住又提到新的一年演艺事业大家又要努力向前，问张家辉可不可以给一些鼓励说话。张家辉笑说：“有得做就做啦！”惹起现场一片笑声。张家辉续笑说：“总之做好自己就得，都系大家努力工作。”
家燕又提到他即将推出新歌做歌手，张家辉笑言：“其实我不嬲冇野心做歌手，而今次系部电影上要有一首片尾曲，你要知而家啲budget又唔系好够，变咗我揾人唱我又要俾钱人哋。而啲监制就叫我你自己搞啦，咁变咗下下都要自己做啰。”
薛家燕大赞张家辉型仔。（陈顺祯摄）
